رابط التسجيل في وظائف التشغيل المؤقت (بطالات) لجمع النفايات بقطاع غزة

رابط التسجيل في وظائف التشغيل المؤقت (بطالات) لجمع النفايات بقطاع غزة ، في ظل الظروف الصعبة اللي بيمر فيها قطاعنا الحبيب، ومن باب إسناد عمالنا وأهلنا في المحافظات الجنوبية والوسطى، أعلنت وزارة الحكم المحلي بالتعاون مع مجلس الخدمات المشترك وبدعم من منظمة “اليونيسيف” (UNICEF)، عن فتح باب التسجيل لفرص عمل مؤقتة (بطالات) بمجال نظافة البيئة وجمع النفايات.

يا أهلنا في خانيونس، ورفح، والوسطى.. هادي الفرصة مخصصة للناس اللي بدها تشتغل وتساعد في تنظيف شوارعنا ومخيمات النزوح، وفي نفس الوقت تلاقي مصدر رزق يعينها على هالأيام الصعبة.

المحتويات

1 شو هي الوظائف المطلوبة؟
2 شروط القبول.. مين بيقدر يسجل؟
3 طريقة التسجيل والروابط الرسمية
4 نقاط لازم تحطها في بالك (ملاحظات مهمة):

شو هي الوظائف المطلوبة؟

الإعلان بستهدف فئتين من العمال:

عامل جمع نفايات ميداني: للعمل اليدوي في الميدان.
عامل نظافة مع (عربة كارو): للي عنده عربة بيجرها حيوان (حصان أو حمار) مجهزة لنقل النفايات.

شروط القبول.. مين بيقدر يسجل؟

عشان تضمن قبول طلبك وما يروح تعبك عالفاضي، لازم تنطبق عليك هادي الشروط:

العمر: لازم يكون عمرك بين (18 و55 سنة).
السكن: التقديم محصور لسكان (خانيونس، رفح، والمنطقة الوسطى) فقط.
الوضع الوظيفي: لازم تكون مش موظف (لا حكومة ولا وكالة ولا قطاع خاص) وما عندك دخل ثابت.
الصحة البدنية: تكون بتقدر على الشغل الميداني الشاق والتزامك كامل بتعليمات المشرفين.
شرط العائلة: ممنوع يسجل أكثر من شخص من نفس العيلة (يعني يا الأب، يا الابن، يا الأخ).
عدم التكرار: إذا اشتغلت قبل هيك في مشروع مشابه مع “اليونيسيف”، ما بتقدر تقدم هادي المرة.
المحفظة الإلكترونية: يفضل جداً يكون عندك محفظة (PalPay) باسمك عشان تستلم راتبك بسرعة وبدون غلبة.

ملاحظة خاصة لأصحاب الكاروات: لازم العربة تكون مجهزة بصندوق، والحيوان يكون بصحة جيدة وما فيه إصابات عشان يقدر ينجز الشغل.

طريقة التسجيل والروابط الرسمية

يا جماعة الخير، التسجيل إلكتروني وسهل كتير، كل اللي عليك تدخل على الرابط وتعبى بياناتك بدقة:

🔗 [رابط نموذج التسجيل في بطالات وزارة الحكم المحلي – اضغط هنا]

تنبيه هام: فترة التقديم قصيرة جداً، بتبدأ من 26 فبراير 2026 وبتسكر بتاريخ 1 مارس 2026. أي طلب بعد هيك ما حد راح يطلع عليه.

نقاط لازم تحطها في بالك (ملاحظات مهمة):

مش الكل راح يطلعله: التسجيل أو دخول القرعة مش معناه إنك توظفت رسمي، الموضوع بيعتمد على التمويل والمطابقة الدقيقة للمعايير.
ممنوع الازدواجية: لا تسجل اسمك في أكثر من مدينة، لأن السيستم راح يحذف الطلبين فوراً.
موعد البدء: الشغل فعلياً متوقع يبدأ في نص شهر مارس (3) 2026 بإذن الله.

خليك دايماً متابع:

عشان تضلك على اطلاع بكل جديد بخصوص الوظائف، المنح، والمساعدات في قطاع غزة، بننصحك تتابع موقع makemony.net وتنضم لقناتنا على التلجرام، عشان يصلك كل خبر “طازة” أول بأول.

الله يرزق الجميع ويبارك في سواعدكم يا عمال فلسطين.